நீங்கள் தேடியது "இருசக்கர வாகனம்"

கேரளாவில் நடைபெற்ற பெண்கள் மனித சுவர் போராட்டத்தில் பங்கேற்பதற்காக காயங்குளம் தொகுதி எம்.எல்.ஏ. பிரதீபா இருசக்கர வாகனத்தில் வந்தார். அவர் தலையில் வெள்ளை நிற ரிப்பன் மட்டும் கட்டியிருந்தார். ஹெல்மெட் அணியாமல் பெண் எம்.எல்.ஏ. இருசக்கர வாகனம் ஓட்டிய காட்சி அடங்கிய வீடியோ இணையதளங்களில் பரவியதால் பரபரப்பு ஏற்பட்டது. இது தொடர்பாக காயங்குளம் போலீசாரும் பிரதீபா எம்.எல்.ஏ. மீது வழக்கு பதிவு செய்தனர்.

இதைத்தொடர்ந்து அவர் போலீஸ் நிலையத்திற்கு சென்று ஹெல்மெட் அணியாமல் வாகனம் ஓட்டியதற்காக ரூ.100 அபராதம் செலுத்தினார். #tamilnews

சென்னை:


இந்த மனு சம்பந்தமாக தமிழக அரசு பதில் அளிக்க ஐகோர்ட்டு உத்தரவிட்டிருந்தது. இதைத்தொடர்ந்து, இரு சக்கர வாகனங்களில் வாகன ஓட்டி மட்டுமல்லாமல் பின்னால் அமர்ந்து செல்பவர்களும் கட்டாயம் ஹெல்மெட் அணிய வேண்டும் என்று தமிழக அரசு அரசாணை பிறப்பித்தது.

இந்தநிலையில் அந்த வழக்கு நீதிபதிகள் மணிக்குமார், சுப்பிரமணியம் பிரசாத் ஆகியோர் முன்னிலையில் நேற்று விசாரணைக்கு வந்தது.

அப்போது, தமிழக அரசு தரப்பில் அறிக்கை ஒன்று தாக்கல் செய்யப்பட்டது.

அதில், ‘கடந்த மாதம் 17-ந் தேதி வரை ஹெல்மெட் அணியாதது தொடர்பாக 10 ஆயிரம் வழக்குகள் பதிவு செய்யப்பட்டுள்ளன. ஹெல்மெட் விழிப்புணர்வால் பெரும்பாலான வாகன ஓட்டிகள் ஹெல்மெட் அணிந்து வாகனங்களை ஓட்டிச் செல்கின்றனர். இதன்காரணமாக ஹெல்மெட் அணியாதது தொடர்பாக பதியப்படும் வழக்கு பாதியாக குறைந்து உள்ளது’ என்று கூறப்பட்டிருந்தது.

இதைப்பார்த்த நீதிபதிகள், ஹெல்மெட் கட்டாயம் என்ற அரசாணையை அமல்படுத்துவதில் பின்னடைவு இருப்பதாகவும், அரசு உத்தரவை அமல்படுத்த வேண்டிய பொறுப்பு அதிகாரிகளுக்கு இருப்பதாகவும் தெரிவித்தனர்.

மேலும், இருசக்கர வாகனங்களில் பயணிக்கும் இருவரும் ஹெல்மெட் அணிய வேண்டும் என்ற அரசாணை முறையாக அமல்படுத்தப்படவில்லை என்று அதிருப்தி தெரிவித்த நீதிபதிகள், ஹெல்மெட் தொடர்பாக விழிப்புணர்வு ஏற்படுத்தினால் மட்டும் போதாது என்றும் குறிப்பிட்டனர்.

பின்னர், தேசியக் கொடி பொருத்திய வாகனங்கள் வரும்போது சீருடையில் இருக்கும் காவல்துறையினர் தேசியக்கொடிக்கு மரியாதை செலுத்துவது இல்லை என்று வேதனை தெரிவித்த நீதிபதிகள், காவல்துறையினர் ஹெல்மெட் அணிகிறார்களா? அதிகாரிகள் சீட் பெல்ட் அணிகிறார்களா? என்று கேள்வி எழுப்பி அதையும் கண்காணிக்க வேண்டும் என்று வலியுறுத்தினர்.

பின்னர், வழக்கின் தீர்ப்பை நீதிபதிகள் இன்று ஒத்திவைத்தனர். இருசக்கர வாகனத்தில் செல்பவர்கள் ஹெல்மெட் அணிவது கட்டாயமாகுமா? என்பது குறித்து இன்றைய தீர்ப்பின் முடிவில் தெரியவரும். #Helmet #HC

தருமபுரி:

தருமபுரி பெரியார் தெருவில் உள்ள ஆண்டாள் நிலையத்தை சேர்ந்தவர் அசோகன் வயது(50). இவர் தருமபுரி தலைமை தபால் நிலையம் அருகே ஓட்டல் நடத்தி வருகிறார். இவர் கடந்த 8-ந் தேதி இரு சக்கர வாகனத்தை வீட்டின் வெளியே நிறுத்திவிட்டு ஓட்டலுக்கு சென்றுவிட்டார்.

பின்னர் மாலை திரும்பி வந்து பார்த்த போது வண்டியை காணவில்லை. அசோகன் வண்டியை பல இடங்களில் தேடி பார்த்தும் கிடைக்கவில்லை. இது குறித்து அசோகன் நேற்று தருமபுரி டவுண் போலீஸ் நிலையத்தில் புகார் செய்தார்.

சப்-இன்ஸ்பெக்டர் சீனிவாசன் வழக்குப்பதிவு செய்து விசாரணை நடத்தி வருகிறார். #tamilnews

வேலூர்:

முதல்-அமைச்சராக ஜெயலலிதா இருந்தபோது 2011-ம் ஆண்டு தேர்தல் வாக்குறுதியில், பெண்களுக்கு இருசக்கர வாகனங்கள் மானிய விலையில் வழங்கப்படும் என்று கூறினார். அதன்அடிப்படையில் தமிழகம் முழுவதும் உழைக்கும் பெண்களுக்கு மானிய விலையில் இருசக்கர வாகனங்கள் வழங்கப்பட்டு வருகிறது. வேலூர் மாவட்டத்தில் 5 ஆயிரத்து 653 பேருக்கு இரு சக்கர வாகனங்கள் வழங்க இலக்கு நிர்ணயிக்கப்பட்டுள்ளது. அதன்படி முதல் கட்டமாக கடந்த மார்ச் மாதம் 3-ந் தேதி 100 பேருக்கும், 23-ந் தேதி 1000 பேருக்கும் இருசக்கர வாகனங்கள் வழங்கப்பட்டன. அதன் தொடர்ச்சியாக நேற்று 500 பேருக்கு வழங்கப்பட்டது.

இந்த இருசக்கர வாகனங்கள் வழங்கும் விழா வேலூர் கலெக்டர் அலுவலகத்தில் நேற்று நடந்து. விழாவிற்கு மாவட்ட கலெக்டர் ராமன் தலைமை தாங்கினார். எம்.எல்.ஏ.க்கள் சு.ரவி, லோகநாதன் ஆகியோர் முன்னிலை வகித்தனர். மகளிர் திட்ட இயக்குனர் சிவராமன் வரவேற்றார். சிறப்பு அழைப்பாளராக அமைச்சர் கே.சி.வீரமணி கலந்து கொண்டு இருசக்கர வாகனங்கள் வழங்கி பேசினார்.

அப்போது அவர் பேசியதாவது:-

மறைந்த முதல்-அமைச்சர் ஜெயலலிதா தேர்தல் வாக்குறுதியாக இருசக்கர வாகனங்கள் பெண்களுக்கு மானிய விலையில் வழங்கப்பட்டு வருகிறது. வேலூர் மாவட்டத்தில் 5 ஆயிரத்து 653 பேருக்கு இருசக்கர வாகனங்கள் வழங்கப்பட உள்ளது. அனைவருக்கும் இம்மாத இறுதிக்குள் வழங்க நடவடிக்கை எடுக்கப்பட்டுள்ளது.

தமிழகத்தில் சென்னைக்கு அடுத்தபடியாக வேலூர் மாவட்டத்தில் இத்திட்டத்தில் அதிகமானவர்கள் பயன்பெறுகிறார்கள். ஜெயலலிதாவின் அரசு பெண்களுக்கான அரசாகும். பெண் குழந்தைகள் இறப்பை தடுக்க அவர் கொண்டு வந்த திட்டம் தான் தொட்டில் குழந்தை. இத்திட்டத்தின் மூலம் பல குழந்தைகள் உயிர் காப்பாற்றப்பட்டு உயர்கல்வி படித்து வருகின்றனர்.

இத்திட்டம் குறித்து அறிந்த அன்னை தெரசா ஜெயலலிதாவை நேரில் சந்தித்து பாராட்டினார். ஜெயலலிதா பெண்களுக்காக கொண்டு வந்த திட்டங்கள் ஏராளம். பிறப்பு, படிப்பு, திருமணம் போன்ற பல்வேறு நிலைகளில் பெண்களுக்கு பல திட்டங்களை வகுத்து செயல்படுத்தினார். இந்தியாவிலேயே பெண்களுக்கான தனி நலவாரியம் அமைத்தார். பெண்கள் சாதிக்க பிறந்தவர்கள், சம உரிமை உண்டு என பெண்களுக்கான உரிமைகளை பெற்று தந்தார். அவர் வழி நடக்கும் எடப்பாடி பழனிசாமி தலைமையிலான அரசு சிறப்பாக செயல்பட்டு வருகிறது. இவ்வாறு அவர் பேசினார்.

கூட்டத்தில் மாவட்ட கலெக்டர் ராமன் பேசுகையில், “வாழ்க்கை போராட்டங்கள் நிறைந்தது. பெண்கள் வாழ்வில் முன்னேற மறைந்த முதல்-அமைச்சர் ஜெயலலிதா பல்வேறு நல்ல திட்டங்களை கொண்டு வந்தார். இருசக்கர வாகனம் வழங்குவது என்பது கவர்ச்சி திட்டம் அல்ல. உழைக்கும் பெண்களை கவுரவப்படுத்தும் விதமாக இத்திட்டம் செயல்படுத்தப்பட்டு வருகிறது. இது ஒரு முன்மாதிரி திட்டமாகும்” என்றார். இதில், அ.தி.மு.க. அரசியல் கட்சி பிரமுகர்கள், அரசு அலுவலர்கள், பெண்கள் என பலர் கலந்து கொண்டனர். முடிவில் உதவி திட்ட அலுவலர் காந்தி நன்றி கூறினார்.

கருத்துக்கணிப்பு முடிவுகள் வருமாறு:-

கட்டாய ஹெல்மெட் குறித்த அரசின் உத்தரவு ஏற்புடையது என 41 சதவீதம் பேரும், ஏற்புடையதல்ல என 59 சதவீதம் பேரும் தெரிவித்துள்ளனர்.

அரசின் உத்தரவை ஏற்காததன் காரணம் என்ன என்ற கேள்விக்கு, பின்னால் அமர்ந்து இருப்பவர்கள் ஹெல்மெட் அணிய தேவை இல்லை என 24 சதவீதம் பேர் தெரிவித்து உள்ளனர். பின் இருக்கையில் ஹெல்மெட் அணிந்து பயணிப்பது சிரமமாக உள்ளது என 67 சதவீதம் பேர் கருத்து கூறியிருக்கிறார்கள். பயணத்திற்கு பிறகு ஹெல்மெட்டை எடுத்துச் செல்வது கடினமாக உள்ளதாக 9 சதவீதம் பேரும் கருத்து தெரிவித்துள்ளனர்.

ஹெல்மெட் தொடர்பாக அரசின் உத்தரவு குறித்து, காவல்துறையினர் விழிப்புணர்வு ஏற்படுத்துகிறார்களா? என்ற கேள்விக்கு ஆம் என 95 சதவீதம் பேரும், இல்லை என 5 சதவீதம் பேரும் பதில் அளித்துள்ளனர்.

இதுபோல, பல்வேறு இலவச பொருட்களை வழங்கும் அரசு, ஹெல்மெட்டையும் இலவசமாக வழங்க வேண்டும் எனவும் ஹெல்மெட்டை கட்டாயமாக்கும் முன், சாலைகளை தரம் உயர்த்த வேண்டும் எனவும் பொதுமக்கள் தெரிவித்துள்ளனர்.  #Helmet

பெரம்பலூர்:

பெரம்பலூர் புதிய பஸ் நிலையத்தில் இருந்து சென்னை, திருச்சி, கரூர், அரியலூர் உள்ளிட்ட பல்வேறு வெளியூர்களுக்கு பஸ்கள் அதிகளவில் இயக்கப்படுகிறது. இதனால் பஸ் நிலையம் எப்போதும் பயணிகள் கூட்டம் நிறைந்து பரபரப்பாக காணப்படும். தற்போது பஸ் நிலையத்தில் பஸ்கள் நிறுத்தும் இடத்தில் அதிகளவில் இரு சக்கர வாகனங்கள் நிறுத்தப்பட்டு வருகின்றன. இதனால் சென்னை, விழுப்புரம், கடலூர், திட்டக்குடி, லெப்பைக் குடிக்காடு, தொழுதூர், திருச்சி, கடலூர், சேலம், நாமக்கல், கரூர், அரியலூர் ஆகிய ஊர்களுக்கு செல்லும் பஸ்கள், அதற்குரிய நிறுத்தும் இடத்தில் நிறுத்த முடியாமல் உள்ளே பஸ் நிலையத்தில் உள்ள நடுரோட்டில் டிரைவர்கள் நிறுத்தி பயணிகளை இறக்கி, ஏற்றி செல்கின்றனர். இதனால் பயணிகள் மிகுந்த சிரமத்துக்கு ஆளாகின்றனர். இதுகுறித்து பயணிகள் கூறியதாவது:-

பஸ் நிலையத்தில் பஸ்கள் நிறுத்துமிடத்தில் அதிகளவில் இரு சக்கர வாகனங்கள் நிறுத்துவதால் பயணிகளும், பஸ் டிரைவர்களும் சிரமத்துக்கு ஆளாகின்றனர். ஆனால் பஸ் நிலைய வளாகத்தில் இரு சக்கர வாகனங்கள் நிறுத்த கட்டண பாதுகாப்பு நிலையம் உள்ளது. ஆனால் சிலர் அதில் நிறுத்தாமல் பஸ்கள் நிற்குமிடத்தில் இரு சக்கர வாகனங்களை நிறுத்தி விட்டு வெளியூர்களுக்கு சென்று விடுகின்றனர். இதனால் பஸ் நிலையம் இரு சக்கர வாகனங்கள் நிறுத்தும் இடமாக மாறி வருகிறது.

பஸ் நிலைய வளாகத்தில் இரண்டு, நான்கு சக்கர வாகனங்களை நிறுத்தினால் பறிமுதல் செய்து, உரிமை யாளர் மீது குற்றவியல் நடவடிக்கை எடுக்கப்படும் என்று பெரம்பலூர் நகராட்சி சார்பில் பொது அறிவிப்பு பலகை பஸ் நிலையம் முன்பு வைக்கப்பட்டுள்ளது. ஆனால் இதுவரை அது அறிவிப்பு பலகையாக தான் இருக்கே தவிர, அதன்படி நகராட்சி எந்தவித மான நடவடிக்கையும் எடுத்த பாடில்லை. மேலும் பஸ் நிலையத்தில் கடை நடத்துபவர்கள் பயணிகள் நடந்து செல்லும் பாதையையும் விட்டு வைக்காமல், அதனை ஆக்கிரமித்து பொருட்களை வைத்து விற்பனை செய்கின்றனர். இதனால் பயணிகள் கோடை வெயிலில் நிழலுக்கு கூட ஒதுங்க இடம் இல்லாமல் தவித்து வருகின்றனர். பஸ் நிலைய வளாகத்தில் குப்பைகள் நிறைந்தும், பயணிகளின் கழிவறைகள் சுகாதாரமற்ற நிலையிலும் காணப்படு கின்றன.

இவ்வாறு அவர்கள் கூறினர்.

எனவே சம்பந்தப்பட்ட அதிகாரிகள் பஸ்கள் நிறுத்தும் இடத்தில் இரு சக்கர வாகனங்களை நிறுத்துபவர்கள் மீது நடவடிக்கை எடுக்க வேண்டும். மேலும் நடபாதை கடைகளின் ஆக்கிரமிப்பை அகற்றவும், பஸ் நிலையத்தை தூய்மையாக வைக்கவும் அதிகாரிகள் நடவடிக்கை எடுக்க வேண்டும் என்று பயணிகளும், சமூக ஆர்வலர்களும் கோரிக்கை விடுத்துள்ளனர்.